![](https://samarkand.uz/templates/dreamzero/img/gerb-flag.png)
.
Ўзбекистон Республикаси Президентининг “Ўзбекистон Республикасининг 2022 — 2026 йилларга мўлжалланган инвестиция дастурини тасдиқлаш ҳамда инвестиция лойиҳаларини бошқаришнинг янги ёндашув ва механизмларини жорий этиш тўғрисида” ПҚ-72-сонли қарори 7 иловаси 18 бандига асосан Самарқанд шаҳри учун электр автобусларини харид қилиш бўйича 22,6 млн. доллар маблағ жалб этиш белгиланган.
Ўзбекистон Республикаси Президентининг 2024 йил 22 январда “Европа тикланиш ва тараққиёт банки иштирокида “Самарқанд шаҳар жамоат транспорти учун электробуслар харид қилиш ва улар билан бевосита боғлиқ инфратузилмани яратиш” лойиҳасини амалга ошириш чора-тадбирлари тўғрисида”ги ПҚ-37-сонли қарори тасдиқланган бўлиб, унга кўра Ўзбекистон Республикаси билан ЕТТБ ўртасида 3 йиллик имтиёзли даврни ўз ичига олган ҳолда 18 йил муддатга 49 млн. долларлик Қарз битими имзолангалиги, лойиҳанинг умумий қиймати 61,99 млн. доллар эканлиги, шундан, 49,0 млн. доллар ЕТТБ кредити эканлиги белгиланган.
ЕТТБнинг 250 минг доллар беғараз ёрдам (грант) маблаглари ҳисобига жалб қилинган “EGIS International” консорциуми ҳамда “IKS CONSULTING” компаниялари томонидан лойиҳанинг техник-иқтисодий асосномасини ишлаб чиқилган ҳамда белгиланган тартибда Инвестициялар, саноат ва савдо ҳамда Иқтисодиёт ва молия вазирликлари томонидан экспертизадан ўтказилган.
ТИАга асосан лойиҳа доирасида 2023-2025 йилларда амалга оширилиши белгиланган ишлар:
Лойиҳа компонентлари кесимида амалга оширилган ишлар:
1.Электр автобуслар хариди.
2022 йил августда электробуслар ҳамда уларни қувватлантириш мосламалари хариди бўйича техник вазифа ишлаб чиқилди ҳамда тендер ҳужжатлари ишлаб чиқилиши мақсадида ЕТТБнинг 75 минг доллар грант маблағлари эвазига “GMCS-Praha s.r.o.” консультантлар жамоаси ҳамда харидлар бўйича индивидуал консультант жалб қилинди.
2022 йил 30 сентябрда 100 та электробус ҳамда уларни қувватлантириш мосламаларини харид қилиш бўйича очик халқаро тендер эълон қилинди. 2022 йил 23 декабрда “Самарқанд вилояти ҳокимлиги томонидан халқаро молия институтлари ва хорижий ҳукумат молия ташкилотлари иштирокида амалга оширилаётган лойиҳалар доирасида товар, иш ва хизматларни сотиб олиш бўйича Харид комиссияси”нинг (ХК) 6-сонли йиғилиш баёни билан 2 босқичли халқаро тендер савдолари якунланди
2023 йил 30 январда ғолиб ташкилот “Yutong Bus Co., Ltd” (Хитой) билан 29,7 млн. долларга 100 та электробус ва 50 та қувватловчи мосламаларни харид қилиш бўйича шартнома имзоланди ҳамда тегишли тартибда ИССВ томонидан рўйхатга олинди.
2023 йил май ойида ушбу шартнома доирасида дастлабки (1- ва 2-партия) 6 та электробуслар Самарқанд шаҳрига келтирилди ва М1 йўналиши бўйича аҳолига жамоат транспорти хизматини кўрсатиб келмоқда.
Йил якунига қадар 30 та ҳамда 2025 йил 1 чораги якуни билан яна 64 та электробусларни келтириш бўйича амалий ишлар иолиб беорилмоқда.
2.Электробус саройи (депо) қурилиши.
Электр автобусларини жойлаштириш учун умумий ер майдони 3,82 гектар бўлган 143 та электробус сиғимига эга автотранспорт парки танлаб олинди ҳамда лойиҳа оператори сифатида Самарқанд вилояти транспорт бошқармаси муассислигида "SAMARQAND VILOYATI TRANSPORT BOSHQARMASI MUASSISLIGIDAGI SAMARQAND YO`LOCHITRANS" давлат корхонаси (ДК) қайта ташкил этилди.
2022 йил сентябрда очиқ танлов асосида замонавий автопарк қуриш лойиҳа-смета ҳужжатлари (ЛСҲ)ни ишлаб чиқилиши учун (“ARX IDEYA PROJECT” МЧЖ) ҳамда автопаркни электр таъминотига уланиш бўйича лойиҳа-смета ҳужжатлари ишлаб чиқилиши учун (“Узэнергоинжиниринг” АЖ) лойиҳаловчи ташкилотлари танлаб олинган бўлиб, ҳозирда улар томонидан лойиҳа бош-режаси (Генплан) ҳамда тўлиқ ЛСҲ ишлаб чиқилиб 2023 йил 14 апрель куни экспертизага киритилган. 2023 йил
21 октябрь шаҳарсозлик ҳужжатлари экспертизасидан ижобий хулоса олинган.
Самарқанд шаҳар инфратузилмасини модернизация қилиш натижасида юзага келган коммуникация тармоқлари кўчирилиши ишлари сабабли ҳозирда автосарой қурилиши буйича тендер ҳужжатлари қайта ишлаб чиқилмоқда.
2023 йил февралда электр автобуслар парки (депо) қурилиши ҳамда уни электр таъминоти билан таъминлаш учун тендер ҳужжатларни ҳамда “Лойиҳани амалга оширишда кўмак” халқаро консультантлар гуруҳи жалб этиш тендер ҳужжатларини тайёрлаш, шу жумладан тендер жараёнларида кўмаклашиш, шартномаларни тайёрлаш ва музокаралар олиб бориш мақсадида 75 минг доллар грант маблағлари эвазига “GREEN” консультантлар гуруҳи ва харидлар бўйича индивидуал консультант жалб қилинди.
Бугунги кунда Самарқанд шаҳар инфратузилмасини модернизация қилиш натижасида юзага келган коммуникация тармоқлари кўчирилиши (юқори қучланишли электр таъминоти линияси нуқталари (темир опоралар) кўчирилганлиги сабабли) ишлари сабабли автосаройнинг электр таъминотига уланиш қисми буйича тендер ҳужжатлари қайта ишлаб чиқилмоқда.
Ҳозирда мазкур ўзгаришлардан келиб чиқган ҳолда “Ҳудудий электр тармоқлари” АЖ Самарқанд ҳудудий филиали томонидан автосаройни электр таъминотига уланиш лойиҳа-смета ҳужжатларига ишлаб чиқилмоқда ҳамда белгиланган тартибда “Электр энергетикада назорат инспекцияси” ҳамда “Шаҳарсозлик ҳужжатлари экспертизаси” давлат корхонаси томонидан экспертизадан ўтказиш бўйича амалий ишлар амалга оширилмоқда.
3.“Лойиҳани амалга оширишда кўмак” халқаро консультантлар гуруҳини жалб этиш.
GREEN консультантлар гуруҳи ва харидлар бўйича индивидуал консультант томонидан тендер ҳужжатлари пакети шакллантирилган, тармоқ илмий-техник кенгаш, ХК, ЕТТБ билан келишилиб тендерга эълон берилган.
ХКнинг 2024 йил 6 майдаги 12-сонли баёни билан очик халқаро тендер савдолари натижалари билан ғолиб компания аниқланган бўлиб, ҳозирда шартнома-олди музокаралари олиб борилмоқда.
Мазкур консультантлар гуруҳи электробусларни техник талабларга мослигини текшириш, қурилишда назорат қилиш, электробус оператори ва лойиҳани амалга ошириш гуруҳига 40 ой давомида кўмак кўрсатиш, лойиҳанинг 2-босқичи доирасидаги қурилиш ва 250 та кичик электробусларнинг харид ҳужжатларини ишлаб чиқиш каби бир қатор вазифаларни бажариши кўзда тутилган.
O‘zbekiston Respublikasi Prezidenti matbuot xizmati
O‘zbekiston Respublikasi Davlat hukumati portali
O‘zbekiston Respublikasi Oliy Majlisi Senati
O‘zbekiston Respublikasi Oliy Majlisi Qonunchilik palatasi
O‘zbekiston Respublikasi milliy qonunchiligi onlayn bazasi
Aloqa, axborotlashtirish va telekommunikatsiya bo‘yicha davlat inspeksiyasi
Hozir onlayn
Ro‘yxatdan o‘tganlar: 1
Mehmonlar: 14
Copyright © 2010 – 2018. . Sayt materiallaridan foydalanganda www.samarkand.uz manba sifatida ko‘rsatilishi shart.