Bugun viloyat hokimligida yoshlar tomonidan sodir etilgan jinoyatlar muhokamasi o’tkazildi. Unda viloyat sektor rahbarlari va qator tashkilotlar rahbarlari ishtirok etishdi. 

Paxtachi tumanining “Toma” va “Yobu” hamda Pastdarg’om tumanining “Turkman” mahallalari misolida kun tartibidagi masala atroflicha ko’rib chiqildi.

Ushbu mahallalarda yashovchi yoshlar tomonidan tan jarohati yetkazish, bezorilik, shuningdek, aldov va firibgarlik jinoyatlari sodir etilishi, ushbu jinoyatlar sodir etilishiga sabab bo’lgan omillar birma-bir muhokama etildi.

Ushbu holatlarda jinoyatni oldini olishga mas’ul bo’lganlarning hisoboti tinglandi.

Qonun barchaga barobar ekanligi, jamiyatimizda qonun ustuvorligini ta’minlash, jinoyatga jazo muqarrarligi, yoshlar jinoyatchiligini oldini olishda hech kim chetda turmasligi zarurligi haqida muhokamada so’z yuritildi.

Yakunda mas’ullarga salbiy holatlarni oldini olish, takroran jinoyat sodir etilishiga yo’l qo’ymaslik, aholi va keng jamoatchilik bilan hamkorlikda amalga oshirilishi lozim bo’lgan vazifalar bo’yicha topshiriq va ko’rsatmalar berildi.