Xalqaro investitsiyaviy hamkorlik: yangi imkoniyatlar sari qadam

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

Xalqaro investitsiyaviy hamkorlik: yangi imkoniyatlar sari qadam

Indoneziyada o‘tkazilgan "O‘zbekiston–Indoneziya hamkorlik forumi" doirasida

Samarqand viloyati hokimi Adiz Boboyev Indoneziyaning "PT Fin CenterIndo Satu" kompaniyasi rahbari bilan uchrashib, iqtisodiy aloqalarni kengaytirish va investitsiya muhitini yaxshilash masalalarini muhokama qildi.

Muzokaralarda Samarqandda “Islamic Economy Center” tashkil etish loyihasiga alohida e'tibor qaratildi. Ushbu markaz halol turizm, ta’lim va islomiy moliya yo‘nalishlarini birlashtirgan holda, hududda yangi iqtisodiy modelni shakllantirishga xizmat qilishi kutilmoqda.

Shuningdek, ziyorat turizmini rivojlantirish, xususan Indoneziyadan sayyohlar oqimini oshirish hamda “Imam Bukhari – Wali Songo” ziyorat turizmi yo‘nalishini yo‘lga qo‘yish masalalari muhokama qilindi. Bu tashabbus Samarqandda xalqaro ziyorat turizmini rivojlantirishga qaratilgan.

Uchrashuvda investitsiya sohasida mehmonxona infratuzilmasini kengaytirish, zamonaviy turizm obyektlarini barpo etish va halol xizmatlar sektorini rivojlantirish ustuvor yo‘nalish sifatida belgilandi. Islom moliyasi bo‘yicha ta’lim dasturlarini joriy etish va kadrlar tayyorlash bo‘yicha hamkorlikni kuchaytirishga ham kelishib olindi.

Uchrashuv yakunida tomonlar istiqbolli loyihalarni bosqichma-bosqich amalga oshirish va Samarqandni islomiy iqtisod hamda ziyorat turizmi markaziga aylantirish yo‘lida hamkorlikni davom ettirishga tayyor ekanliklarini bildirdilar.

Kiritilgan vaqti: 07/04/2026 15:13. Ko‘rilganligi: 21

Material manzili: https://samarkand.uz/press/news/xalqaro-investitsiyaviy-hamkorlik-yangi-imkoniyatlar-sari-qadam