O‘zbekiston Respublikasi Prezidentining Samarqand viloyatidagi Xalq qabulxonasida

Samarqand viloyati hokimining qurilish, to‘siqlarsiz muhit yaratish, kommunikatsiyalar, kommunal xo‘jalik, ekologiya va ko‘kalamzorlashtirish masalalari bo‘yicha o‘rinbosari Navro‘z Rahmonov tomonidan fuqarolar qabuli o‘tkazildi.
Qabul davomida hududlardan tashrif buyurgan fuqarolar kommunal sohadagi, xususan, suv, gaz va elektr ta’minoti, shuningdek, qurilish va boshqa masalalar yuzasidan murojaat qilib, o‘z takliflarini bildirdilar.
Murojaatlarning har biri atroflicha ko‘rib chiqilib, fuqarolarning muammo va takliflari tinglandi. Ularni qonuniy va adolatli hal etish yuzasidan mas’ul tashkilotlar rahbarlari hamda mutasaddilarga aniq vazifalar belgilandi.