“Daromad fayz omad” mas’uliyati cheklangan jamiyatiga 2017-yilda nefrologik, allergik kasalliklar va bosh miya insultini davolashga mo‘ljallangan ko‘p tarmoqli tibbiyot markazi tashkil etish uchun 5 gektar maydon ajratilgan edi. Ammo, tashabbuskor tomonidan 245 ta yangi ish o‘rni yaratish, 12 milliard so‘m sarmoya kiritish majburiyati yillar davomida bajarilmagan. Ayni paytda yer davlat egaligiga qaytarilgan bo‘lib, yangi loyiha asosida tibbiyot turizmini rivojlantirish maqsad qilinmoqda.

Viloyat rahbari Janubiy Koreyadan kelgan investor “Hansalt” kompaniyalar guruhi raisi Vu Jik bilan muloqot o‘tkazdi. Kelgusi vazifalar, istiqboldagi rejalar belgilab olindi.