Dastlab viloyat rahbariga tumanning Qoratepa mahallasida joylashgan suv ombori sohilida tashkil etilishi rejalashtirilayotgan turizm ob’yektlari loyihasi yuzasidan batafsil ma’lumotlar berildi. Mazkur loyiha hududning tabiiy salohiyatidan unumli foydalanish, zamonaviy turizm infratuzilmasini shakllantirish hamda mahalliy aholi uchun yangi ish o‘rinlari yaratishga qaratilgani bilan ahamiyatlidir.

Viloyat hokimi ushbu hududda aholi bandligini ta’minlash, ularning barqaror daromad manbalarini shakllantirishga xizmat qiladigan tashabbuslarni qo‘llab-quvvatlash muhimligini ta’kidladi. Shuningdek, mavjud imkoniyatlardan samarali foydalanish, loyihalarni puxta rejalashtirish va ularni bosqichma-bosqich amalga oshirish yuzasidan mas’ullarga tegishli tavsiyalar berildi.