“RK-2” markaziy qozonxonasidagi rekonstruksiya ishlari, xususan, 39,4 km uzunlikdagi teng qobiqli issiqlik quvurlarini yotqizish, shuningdek, umumiy quvvati 100 Mvt bo‘lgan 3 ta zamonaviy qozonxona (2 ta — 30 Mvt, 1 ta — 40 Mvt) qurilishi natijasida 22 ta ijtimoiy soha obyekti, 381 ta ko‘p qavatli uy va ulardagi 19 250 ta xonadonni issiqlik energiyasi bilan uzluksiz ta’minlash imkoniyati yaratildi. Shu tariqa 53 046 nafar aholi barqaror va samarali issiqlik ta’minotiga ega bo‘ldi. Xonadonlarni issiqlik tizimiga ulash ishlari bosqichma-bosqich davom etmoqda.

Viloyat hokimi Adiz Boboyev va boshqa mas’ul tashkilotlar vakillari bugun ushbu qozonxonada amalga oshirilgan ishlarni ko'zdan kechirdilar.

Mutasaddilar ishtirokida qayta rekonstruksiya qilingan qozonxona ishga tushirildi.

Adiz Boboyev issiqlik ta’minoti yetkazib beriladigan ushbu hududdagi koʻp qavatli uylarga xizmat koʻrsatuvchi boshqaruv organlari vakillari hamda masʼullar bilan suhbatlashib, xonadonlarni issiqlik tizimiga ulash ishlarini davom ettirish yuzasidan topshiriq berdi va ularning taklif va mulohazalarini tingladi.