Samarqandda “Yosh mobilograflar maktabi” va “SMM maktab” loyihalari bitiruvchilari ishtirokida taqdimot o‘tkazildi

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

Samarqandda “Yosh mobilograflar maktabi” va “SMM maktab” loyihalari bitiruvchilari ishtirokida taqdimot o‘tkazildi

O‘zbekiston Respublikasi Prezidenti Administratsiyasi huzuridagi Ommaviy axborot vositalari uchun Kontent tayyorlash markazi,

viloyat hokimligi hamda viloyat Yoshlar ishlari boshqarmasi hamkorligida tashkil etilgan tadbirda yirik korxona va tashkilotlar vakillari, tadbirkorlar, OAV xodimlari hamda yoshlar ishtirok etishdi.

Tadbirda zamonaviy media kasblariga bo‘lgan talab, yoshlarni SMM, mobilografiya va raqamli kontent yaratishga o‘rgatish, ularning kasbiy salohiyatini oshirish va bandligini ta’minlash masalalari muhokama qilindi.

Taqdimot davomida loyiha tinglovchilari tomonidan tayyorlangan media mahsulotlar namoyish etildi. Ta’kidlanganidek, bugungi kunga qadar viloyatda 200 nafarga yaqin SMM mutaxassisi va 100 nafardan ortiq mobilograf tayyorlanib, ularning aksariyati media sohasida o‘z faoliyatini boshlagan.

Shuningdek, tadbirda ishtirok etgan ish beruvchilar va tadbirkorlar yosh mutaxassislarning ijodiy ishlari bilan tanishib, ularni ishga taklif qilishdi.

Yakunda “Yosh mobilograflar maktabi” va “SMM maktab” loyihalarini muvaffaqiyatli tamomlagan bitiruvchilarga sertifikatlar topshirildi.

Kiritilgan vaqti: 10/08/2026 20:58. Ko‘rilganligi: 16

Material manzili: https://samarkand.uz/press/news/samarqandda-yosh-mobilograflar-maktabi-va-smm-maktab-loyihalari-bitiruvchilari-ishtirokida-taqdimot-otkazildi