w w w . s a m a r k a n d . u z

Samarqandda imkoniyati cheklangan fuqarolarni haydovchilikka o‘qitish boshlandi

Samarqandda imkoniyati cheklangan fuqarolarni haydovchilikka o‘qitish boshlandi

3-dekabr – Xalqaro nogironlar kuni munosabati bilan “Vatanparvar” tashkiloti navbatdagi xayrli ishga qo‘l urdi.

Tashkilotning Samarqand viloyati kengashi tasarrufidagi “Afrosiyob” O‘quv sport texnika klubida O‘zbekiston Kar-soqovlar jamiyati hududiy bo‘limining 24 nafar a’zosini haydovchilikka o‘qitish boshlandi.

Endilikda ushbu fuqarolar 4,5 oy davomida O‘quv sport texnika klubining avtomototransport haydovchilarini tayyorlash kursida “B” toifasi bo‘yicha saboq oladilar. Ularga nazariy va amaliy darslarni o‘zlashtirishda o‘qituvchi va instruktorlardan tashqari surdo-tarjimon yordam berib boradi.

Mashg‘ulotning birinchi kunida O‘zbekiston Kar-soqovlar jamiyati Samarqand viloyati bo‘limi raisi Dilshod Tuyg‘unov “Vatanparvar” tashkiloti jamoasiga ushbu xayrli ish uchun chuqur minnatdorlik bildirdi va haydovchilikni o‘rganish arafasida turgan fuqarolarni hayotlaridagi muhim voqelik bilan tabrikladi.

O‘zbekiston Respublikasi mudofaasiga ko‘maklashuvchi
“Vatanparvar” tashkiloti Matbuot xizmati


Kiritilgan vaqti: 05/12/2023 18:02.   Ko‘rilganligi: 113
 
Material manzili: https://samarkand.uz/press/news/samarqandda-imkoniyati-cheklangan-fuqarolarni-haydovchilikka-oqitish-boshlandi

 

So‘rovnoma


Xabarlarga obuna bo‘lish


Statistika


Hozir onlayn
Ro‘yxatdan o‘tganlar: 1
Mehmonlar: 8

Harakatlar strategiyasi 2017-2021

 

Copyright © 2010 – 2018. . Sayt materiallaridan foydalanganda www.samarkand.uz manba sifatida ko‘rsatilishi shart.