Muloqotda elektron va plastik chiqindilarni qayta ishash loyihasi muhokama etildi.

Petr Linhart rahbarlik qiladigan kompaniya dunyoning yigirma to`rtta davlatida elektron va plastik chiqindilarni qayta ishlashga ixtisoslashgan korxonalariga ega.

Ushbu korxonalarda muzlatgichlar, sovutish va muzlatish moslamalari, kir va idishlarni yuvish mashinalari va mikroto'lqinli pechlar, changyutgichlar, elektron choynaklar va boshqa shu turdagi maishiy elektron jihozlarni ekologik jihatdan qayta ishlash va utilizatsiya ishlari olib boriladi.

Kompaniya vakillari Samarqandda ham ana shunday korxona qurishga investitsiya kiritmoqchiliklarini bildirishdi. Viloyat rahbari chiqindilarni qayta ishlash va boshqarish masalasiga alohida eʼtibor berilayotganligi xususida to`xtalib, investorga qonun doirasida amaliy ko`mak ko`rsatilishini bildirdi.