Samarqandda 9-may – Xotira va qadrlash kuni keng nishonlanmoqda | Хабарлар

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

Samarqandda 9-may – Xotira va qadrlash kuni keng nishonlanmoqda

9-may – Xotira va qadrlash kuni munosabati bilan Samarqand shahridagi Xotira maydonida tadbir tashkil etildi.

Unda viloyat hokimligi mas'ullari, harbiylar, huquq-tartibot idoralari xodimlari, davlat va jamoat tashkilotlari rahbarlari, mehnat faxriylari, yoshlar hamda keng jamoatchilik vakillari ishtirok etdi.

Viloyat hokimi Adiz Boboyev boshchiligida tadbir qatnashchilari Motamsaro ona haykali poyiga gul qo‘yib, yurtimiz tinchligi va bugungi osoyishta hayot yo‘lida jonini fido qilgan ajdodlar xotirasini hurmat bilan xotirladilar.

Ta’kidlanganidek, insoniyat tarixidagi eng og‘ir sinovlardan biri bo‘lgan Ikkinchi jahon urushida Samarqanddan 152 mingdan ortiq kishi frontga safarbar etilgan. Ularning 73 ming nafari ona yurtiga qaytmagan.

Mazkur sana xalqimizning matonati, jasorati va fidoyiligini yana bir bor yodga solib, yosh avlodni vatanparvarlik ruhida tarbiyalashda muhim ahamiyat kasb etadi.