Tadbirda Yoshlar ishlari agentligi direktori Alisher Sa’dullayev, Mahallalar uyushmasi raisi Qahramon Quronboyev va viloyat hokimining o‘rinbosari Husan To‘xtayev qatnashib, yoshlarning loyiha va takliflari bilan tanishdi.

Marafon doirasida tadbirkorlik, bandlik, innovatsiya, robototexnika, kitobxonlik, xorijiy tillar, ekologiya, sport, madaniyat yo‘nalishlarida maxsus pavilonlar faoliyat yuritdi. Ularda yoshlar uchun seminarlar, ekspertlar bilan ochiq muloqotlar, startap loyihalar taqdimoti hamda ijodiy tanlovlar tashkil etildi.

Tadbirning asosiy maqsadi — yoshlarning ijtimoiy faolligini oshirish hamda ularning innovasion g‘oyalarini amaliyotga tatbiq etishdan iborat.