Samarqand – Milan: innovatsiya, ta’lim va tibbiyotda hamkorlik yo‘lga qo‘yiladi | Хабарлар

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

Samarqand – Milan: innovatsiya, ta’lim va tibbiyotda hamkorlik yo‘lga qo‘yiladi

Samarqand viloyati hokimi vazifasini bajaruvchi A. Boboyev boshchiligidagi delegatsiya Milan shahrida joylashgan Principia (sobiq Arexpo) markaziga tashrif buyurdi.

Bu uchrashuv Italiya bilan texnologiya, ta’lim va tibbiyot sohalarida strategik hamkorlikni yo‘lga qo‘yishda muhim qadam bo‘ldi.

Samarqand delegatsiyasi Milano Innovation District (MIND)da joylashgan Principia markazi faoliyati bilan yaqindan tanishdi. Ushbu markaz 2015-yilda EKSPO hududida barpo etilgan bo‘lib, bugungi kunda Italiyadagi eng yirik shaharni rivojlantirish va innovatsion ekotizim markazlaridan biri hisoblanadi.

Tashrif doirasida Milan universiteti rahbariyati bilan uchrashuv o‘tkazildi. Unda Samarqandda muhandislik va raqamli texnologiyalar bo‘yicha birgalikda ta’lim dasturlarini yo‘lga qo‘yish, industry 4.0 sohasida professorl-o’qituvchilar va talabalar almashinuvini tashkil etish, ilmiy-tadqiqot loyihalarda hamkorlik masalalari muhokama qilindi.

Shu kuni delegatsiya Italiyaning eng ilg‘or tibbiyot muassasalaridan biri – Ospedale Galeazzi – IRCCS rahbariyati bilan ham uchrashdi. Bu shifoxona ortopediya, sport tibbiyoti va qayta tiklovchi jarrohlik sohalarida Yevropada peshqadamlardan hisoblanadi.

Uchrashuv davomida Samarqandda zamonaviy tibbiyot markazini tashkil etishda Galeazzi tajribasidan foydalanish, tibbiyot kadrlarini o‘qitish, stajirovka va malaka oshirish sohalarida hamkorlik o‘rnatish, tashxis va innovatsion davolash texnologiyalarini joriy etish masalalari ko‘rib chiqildi.

Oxirgi o‘zgarish: 13/07/2025 09:09. Ko‘rilganligi: 22

Material manzili: https://samarkand.uz/press/news/samarqand-milan-innovatsiya-talim-va-tibbiyotda-hamkorlik-yolga-qoyiladi