Qo‘shrabot tumanida bu yil ilk bor tashkil etilgan  “Mayiz sayli”da bir qator tashkilot va idoralar vakillari, xorijiy va mahalliy sayyohlar, ommaviy axborot vositalari va keng jamoatchilik vakillari ishtirok etmoqda.

Sayl dasturidan qishloq xo‘jaligi ko‘rgazmalari, mayizchilik yo‘nalishidagi konferensiya va anjumanlar o‘rin olgan.

Shuningdek, "Mayiz sayli"  festivali doirasida Adliya vazirligi tomonidan "Samarqand mayizi" geografik ko‘rsatkich hamda "Qo‘shrabot mayizi" tovar belgisi sifatida davlat  ro‘yxatidan o‘tkazilganligi haqidagi hujjatlar ham topshirilishi kutilmoqda.