Viloyat hokimi Adiz Boboyev tadbir oldidan viloyat ichki ishlar, milliy gvardiya, favqulodda vaziyatlar, ekologiya, kommunal sohalar boshqarmalari tomonidan tuzilgan guruhlar oldidagi aniq vazifalarni belgilab berdi.

Mutasaddi tashkilotlar vakillari ishtirokida o‘tkazilayotgan tungi reydlarda atmosferaga zararli moddalarning chiqarilishini kamaytirishga, me’yoriy talablarga javob bermaydigan holatlarga barham berishga alohida eʼtibor qaratish, bu borada tadbirkorlik subyektlariga amaliy yordam ko‘rsatilishi lozimligi aytildi.

Viloyat hokimi boshchiligidagi masʼullar ishtirokida o‘tkazilgan tungi ekologik reyd tadbirlari davomida Samarqand tumanidagi bir qator obyektlar ko‘zdan kechirildi. Ko‘mir yoqilg‘isidan foydalanayotgan issiqxona va dekorativ g‘isht ishlab chiqaruvchi masʼuliyati cheklangan jamiyatda murilarga maxsus filtrlar o‘rnatilishi, chiqindi gazlar tarkibini nazorat qilish, yoqilg‘i sarfini ekologik me’yorlarga moslashtirish masalalari yuzasidan tadbirkorlarga ko‘rsatmalar berildi.

Viloyatda ekologik nazorat tadbirlari davom etadi.