Uchrashuvda ikki davlat o‘rtasida turli sohalardagi hamkorlik aloqalarini yanada rivojlantirish istiqbollari haqida so‘z yuritildi. Bugungi kunda Samarqand viloyatida Eron Islom Respublikasi kompniyalarining kapitali ishtirokida 19 ta, shundan 4 ta qo‘shma korxona hamda 15 ta xorijiy korxona faoliyat yuritib kelmoqda. Samarqand viloyati hamda Eron Islom Respublikasi o‘rtasida o‘zaro savdo-iqtisodiy aloqalar yo‘nalishida o‘tgan 2024-yilda jami 20.6 million dollarlik mahsulotlar eksport va importi amalga oshirilgan bo‘lib, shundan eksport 3.8 million AQSH dollari va import 16.8 million dollarni tashkil etgan.

Uchrashuvda savdo-iqtisodiy sohadagi hamkorlikning bugungi holati, xususan, qishloq xo‘jaligi, fan, ta’lim va turizm sohalarida hamkorlikni mustahkamlash masalasi muhokama qilindi. Muloqotda investitsiyalarni jalb etish, innovatsiyalarni joriy etish va o‘zaro savdoni kengaytirish maqsadida Eron hududlarining tadbirkorlik subyektlari va samarqandlik ishbilarmonlar o‘rtasida sheriklik aloqalarini rivojlantirishga ham to‘xtalib o‘tildi.

O‘z navbatida elchi Muhammadali Iskandariy viloyat rahbari bilan uchrashuvda muhokama etilgan masalalarni amalga oshirish bo‘yicha barcha takliflarni qo‘llab-quvvatlashini bildirdi.