Hurmatli ota-onalar!

Samarqand viloyat Sanitariya-epidemiologik osoyishtalik va jamoat salomatligi boshqarmasi tashabbusi bilan joriy yilning fevral-mart oylarida barcha maktab va maktabgacha ta’lim muassasalarida parazitar kasalliklarni aniqlash maqsadida tahlillar olib borilmoqda.

Ota-onalarga qulaylik yaratish maqsadida tahlil uchun namunalarni maktab va maktabgacha ta’lim tashkilotlarining o‘zida muassasa hamshiralari orqali yetkazib, kasallik bo‘yicha ma’lumotga ega bo‘lishingiz mumkin.

Shuningdek, yashash hududingizdagi Sanitariya-epidemiologik osoyishtalik va jamoat salomatligi bo‘limlarida ham mazkur tahllillarni amalga oshirish imkoniyati mavjud.

Unutmang, tahlillar bepul amalga oshiriladi!

Agar ushbu jarayonlarda muammoga duch kelsangiz (90)6577815 telefon raqamiga qo‘ng‘iroq qilishingiz so‘raladi!

O‘z farzandining sog‘ligiga befarq bo‘lmagan ota-onalarni ushbu oylikda faol ishtirok etishga chaqiramiz!

Samarqand viloyat Sanitariya-epidemiologik osoyishtalik va

jamoat salomatligi boshqarmasi axborot xizmati.