w w w . s a m a r k a n d . u z

Viloyat hokimining o’rinbosari R.Qobilov ishtirokida “Turizm xizmatlarini kengaytirish va sohada aholi bandligini ta`minlash bo`yicha 2023-yilda amalga oshirilgan ishlar va 2024-yilgi rejalar” mavzusida brifing

Viloyat hokimining o’rinbosari R.Qobilov ishtirokida “Turizm xizmatlarini kengaytirish va sohada aholi bandligini ta`minlash bo`yicha 2023-yilda amalga oshirilgan ishlar va 2024-yilgi rejalar” mavzusida brifing

2023 yilda xorijiy sayyohlar 2 150 ming kishini tashkil etib, o`tgan yilga nisbatan 1,7 barobarga oshdi. 

Shuningdek, 4 500 ming mahalliy sayyohlar tashrif buyurishdi.
Turizm xizmatlari eksporti 406 mln. dollarni tashkil etib, turistlarning o`rtacha qolish kuni 2,7 kunga uzaydi. (o`tgan yil mos davriga (1,5 kun) nisbatan 1,8 baravarga ortdi) 2 947 o`rinli 118 ta joylashtirish vositalari, shundan 25 ta mehmonxona (1 396 o`rin), 39 ta xostel (1 054 o`rin), 54 oilaviy mehmon uylari (497 o`rin) faoliyati yo`lga qo`yildi.

Ma`lumot uchun: viloyatda 16 529 o`rinli 607 ta joylashtirish vositalari, jumladan 164 ta mehmonxona (10 799 o`rin), 352 ta oilaviy mehmon uyi (3 317 o`rin), 91 ta xostel (2413 o`rin) faoliyat ko`rsatmoqda.

103 ta turkompaniyalar faoliyati yo`lga qo`yilib, ularning soni
304 taga yetkazildi.

Viloyatda 450 ta gid-tarjimonlar, 115 ta turistik sinfga mansub avtobuslar va 110 ta mikroavtobuslar turistlarga xizmat ko`rsatmoqda.

Shuningdek, sayyohlar uchun 16 ta turizm axborot markazi faoliyat yuritmoqda.

Umumiy qiymati 1,5 trln so`mlik 67 ta loyiha (720 xona, 1476 o`rin) amalga oshirilib, 1 026 nafar yangi ish o`rinlari yaratildi.

Shuningdek, turizmga yondosh xizmat ko`rsatish ob`ektlarida
5,8 mingdan ortiq yangi ish o`rinlari tashkil etildi.

O`zbekiston Respublikasi Prezidentining 2023 yil 26 apreldagi PQ-135-son qaroriga muvofiq, Samarqand shahri Bozorov ko`chasida kafe, fast-fud, supermarket, avtoturargoh, bepul Wi-Fi zonalari tashkil etilib, “turizm ko`chasi”ga aylantirildi.

Samarqand shahri “Bog`ibaland” mahallasiga “Turizm mahallasi”, Urgut tumani “Tersak” qishlog`iga “Turizm qishlog`i” maqomi berildi.

Xorijiy va mahalliy turistlar uchun 300 dan ortiq madaniy ko`ngilochar tadbirlar, 50 dan ortiq konferentsiya, forum, sammit hamda halqaro tadbirlar o`tkazildi.

Misol uchun, Butunjahon Turizm tashkiloti (UNWTO) Bosh assambleyasi 25-sessiyasi, “Turizm-Fan-Innovatsiya” xalqaro turizm ko`rgazma va ilmiy konferentsiyasi, “Besh qit`a jilosi” xalqaro etnofestival, Milliy hunarmadlar mahsulotlari ko`rgazmasi, Samarqand Ziyorat turizmi salohiyatini namoyon etuvchi “Ziyorat turizm yarmarkasi va ko`rgazmasi”, “Tourism and Technology Summit-2023” sammiti, “Tourism and Society Think Tank” (TSTT) ekspertlar forumi, “Focus on Tourism & Creative Economy” xalqaro kongressi.

Turizm salohiyatini targ`ib etish maqsadida 40 ta xorijiy mamlakatlar OAV vakillari hamda yirik turizm tashkilotlari vakillari uchun info-turlar tashkil etildi.

Xorijiy turistlarni jalb etish maqsadida, viloyat delegatsiyasi Malayziya, Indoneziya, Ispaniya, Isroil, Xitoy, Koreya, Latviya, Polsha, Frantsiya, Yaponiya, Kanada davlatlarida bo`lib o`tgan tadbirlarda ishtirok etib, viloyatning turizm salohiyati taqdimotlari o`tkazildi.
Samarqand shahri bilan Koreyaning Kvandju va Pusan shaharlari, Qozog`istonning Turkiston viloyati bilan Samarqand viloyati o`rtasida birodarlik aloqalari o`rnatilib, turizm sohasida hamkorlikka kelishildi.

Shuningdek, Xitoyning Sian shahri Madaniyat va turizm boshqarmasi bilan Samarqand o`rtasida turizm sohasida hamkorlik memorandumi imzolandi.

2024 yilgi vazifa va rejalar:

Xorijiy sayyohlar soni 2,4 mln. nafarga, turizm xizmatlari eksporti 500 mln AQSh dollariga yetkaziladi.

40 dan ortiq Xalqaro va mahalliy turizm festivallari o`tkaziladi, xorijiy va mahalliy OAV vakillari uchun 15 ta info-tur tashkil etiladi.

55 ta yangi joylashtirish vositalari (9 ta mehmonxona, 11 ta xostel va 35 ta oilaviy mehmon uylari) tashkil etilib, ularning soni 655 taga, o`rinlar soni esa 17 500 mingtaga, turoperator soni 326 taga yetkaziladi.

Umumiy qiymati 751,1 mlrd so`mlik 55 ta yangi loyihalar amalga oshirilib, 1 087 ta yangi ish o`rinlari, shuningdek turizmga yondosh xizmat ko`rsatish obektlarida 3,5 mingdan ortiq yangi ish o`rinlari tashkil etiladi.

Jumladan, Nurobod tumani “Oqsoy” mahallasida “Samarkand kanat yo`llari” XK tomonidan 10 gektarda qiymati 13,5 mln dollarlik sayyohlarga xizmat ko`rsatish markazi, uzunligi 1,5 km bo`lgan osma-dor yo`li loyihasi foydalanishga topshiriladi. (200 ta yangi ish o`rini yaratiladi va bir vaqtning o`zida 800 nafar sayyohlarga xizmat ko`rsatiladi).

Samarqand shahrida "Qorako’l Stroy Engineering" MChJ tomonidan qiymati 30 mln.dollarlik mehmonxona (300 o`rinli) va restoran va kafelar hamda savdo va xizmat ko`rsatish nuqtalari foydalanishga topshiriladi. Mehmonxonaga franshiza asosida “Wyndham” brendi jalb etiladi.

Hozirda “Yoshlar turizm haftaligi” o`tkazilmoqda, shuningdek, mart oyida “Yoshlar turizm haftaligi”, iyul oyida “Yoshlar turizm oyligi”, noyabr oyida “Nuroniylar turizm oyligi” tashkil etiladi.

Vazirlar Mahkamasining 2023 yil 27 fevraldagi 86-son qarori asosida Urgut tumani “Tersak”, “Beshkon”, “Qoratepa”, “Omonqo`ton” “Yettiuylik”, “Chor-chinor”, “Xo`jayduq” mahallalarida 2024-2025 yillarda umumiy qiymati 13,3 mlrd. so`mlik infratuzilma loyihalari amalga oshiriladi.

Sayyohlar ko`p tashrif buyuradigan xorijiy mamlakatlardan Xitoy, Rossiya Federatsiyasi, Germaniya, Frantsiya, Indoneziya va Malayziya kabi mamlakatlarda bo`lib o`tadigan turizm ko`rgazmalari va konferentsiyalarda viloyatning turizm salohiyatini “Samarqand – yangi O`zbekistonning turizm darvozasi” shiori ostida targ`ib etish choralari davom ettiriladi.


Kiritilgan vaqti: 09/02/2024 10:48.   Ko‘rilganligi: 242
 
Material manzili: https://samarkand.uz/press/news/brif2

 

So‘rovnoma


Xabarlarga obuna bo‘lish


Statistika


Hozir onlayn
Ro‘yxatdan o‘tganlar: 1
Mehmonlar: 9

Harakatlar strategiyasi 2017-2021

 

Copyright © 2010 – 2018. . Sayt materiallaridan foydalanganda www.samarkand.uz manba sifatida ko‘rsatilishi shart.