Xalqaro teatr kuni 1961-yil YUNESKO huzuridagi Xalqaro teatr instituti tomonidan Avstriyaning Vena shahrida boʻlib oʻtgan IX kongressda taʼsis etilgan.

Teatr deganda, avvalambor, sanʼatning katta bir turini tushunamiz. Shu bilan birga teatr - bu tomosha, spektaklning oʻzi. Tomosha koʻrsatiladigan joy, spektakl qoʻyiladigan bino hamdir. Hech bir sanʼat teatr oʻrnini bosolmaydi. Chunki teatrda tomoshabin bir guruh isteʼdodli kishilar bilan birvarakayiga jonli muloqotda boʻladi.

Hozirgi kunda jahonning 100 dan ziyod mamlakatida 27-mart kuni teatr sanʼati xodimlarining kasb bayrami sifatida keng nishonlanib kelinmoqda.

Buyuk maʼrifatparvar bobomiz Mahmudxoʻja Behbudiy aytganlaridek, teatr haqiqatan ham ibratxona, qutlugʻ tarbiya va maʼrifat maskanidir.