Bugun erta tongdan bayram tadbirlari Sohibqiron Amir Temur maqbarasini ziyorat qilish bilan boshlandi. 

Viloyat hokimi vazifasini bajaruvchi Adiz Boboyev hamda viloyat va shahar jamoatchiligi Amir Temur maqbarasida Qur’on tilovat qilishdi.

Shundan soʻng, viloyat va shahar hokimliklari, harbiylar, huquq-tartibot idoralari hamda keng jamoatchilik vakillari tomonidan Sohibqiron Amir Temur haykali poyiga gul qoʻyildi.

Samarqand shahri kuni munosabati bilan kun davomida shaharda turli madaniy-ma’rifiy tadbirlar, konsert dasturlari, ko‘rgazmalar va sport musobaqalari tashkil etiladi.