103 yoshli onaxonga “Shuhrat” medali topshirildi

O‘zb Ўзб Рус Eng

Samarqand viloyati hokimligi
rasmiy veb-sayti

w w w . s a m a r k a n d . u z

Chop etish

103 yoshli onaxonga “Shuhrat” medali topshirildi

Davlatimiz rahbarining

"O‘zbekiston Respublikasi mustaqilligining o‘ttiz to‘rt yilligi munosabati bilan

davlat xizmatchilari hamda ishlab chiqarish va ijtimoiy-iqtisodiy sohalar xodimlaridan bir guruhini mukofotlash to‘g‘risida"gi farmoniga asosan bir guruh 100 yoshdan oshganlar “Shuhrat” medali bilan taqdirlandi.

Ular orasida Narpay tumani “Tepaqo‘rg‘on” mahalla fuqarolar yig‘inida istiqomat qiluvchi Xaticha Gadanova ham bor.

Onaxon ko‘p yillar davomida qishloq xo‘jaligida ishladi. Umri davomida farzandlariga halol mehnat qilishni o‘rgatdi.

Bayram arafasida Samarqand viloyati hokimi vazifasini bajaruvchi Adiz Boboyev onaxon xonadonida bo‘lib, mamlakatimiz mustaqilligining 34 yilligi bilan qutladi va “Shuhrat” medalini topshirdi. Shuningdek, onaxonga sovg‘alar berildi.

O‘z navbatida onaxon keksa avlod vakillariga ko‘rsatilayotgan e’tibor hamda g‘amxo‘rligi uchun Prezidentimizga minnatdorlik bildirdi. Yurtimiz tinch, osmonimiz musaffo, dasturxonimiz to‘kin, farzandlarimiz baxtli bo‘lishini tiladi.