Тойлоқ туманида “9 декабрь – Халқаро коррупцияга қарши курашиш куни”га бағишлаб “Аксилкоррупция ҳафталиги” доирасида “Коррупция – ривожланишимизга тўсиқ” мавзусида давра суҳбати ташкил этилди. 

Туман ҳокимлиги ходимлари, корхона, ташкилот ва муассасалар ходимлари ўртасида ўтказилган йиғилишда вилоят ҳокимлиги Коррупцияга қарши курашиш ички назорат қилиш шўъбаси мудири О. Язданов, вилоят ИИБ ЖҚБ коррупция ва иқтисодий жиноятларга қарши курашиш бўлими бошлиғи Ш. Раҳимов, вилоят прокуратураси катта терговчиси Ш. Сайфиддинов, вилоят бош имом хатиби Х. Сатторов ҳамда туман ҳокимининг ўринбосари Ж. Ҳақбердиев иштирок этди.
Тадбирда сўзга чиққанлар Демократик қадриятлар қарор топиб бораётган бир вақтда давлат хизматчилари томонидан порахўрлик, мансаб мавқеини суиистеъмол қилиш билан боғлиқ жиноятларни содир этилиши ҳокимиятнинг обрўсизланишига, давлатнинг сиёсий, иқтисодий, ҳуқуқий тизимига путур етишига сабаб бўлиши ҳақида сўз юритишди.