Усманов Аслиддин Эргашевич

1976 йил 5 апрелда Самарқанд вилояти, Пастдарғом туманида туғилган.

Маълумоти – олий, 1999 йил Самарқанд қишлоқ хўжалик институти иқтисодчи мутахассислиги бўйича тамомлаган.

Меҳнат фаолиятини 1999 йилда Пастдарғом тумани "Қорасув" маҳалла фуқаролар йиғини котиби сифатида бошлаган. 2000-2000 йилларда Пастдарғом тумани "Деҳқон-Аудит" аудиторлик фирмаси аудитори, 2000-2002 йилларда Гўзалкент тумани ҳокимлиги молия бўлими бюджет инспекцияси иқтисодчиси, 2002-2005 йй. - Пастдарғом тумани ҳокимлиги молия бўлими даромадларни режалаштириш ва иқтисодий таҳлил қилиш бўйича иқтисодчиси, 2005-2007 йилларда Пастдарғом тумани ҳокимлиги молия бўлими мудири ўринбосари - бюджетдан маблағ олувчиларнинг шартномаларини рўйхатдан ўтказиш ва уларнинг харажатлари тўланишини назорат қилиш бўлими бошлиғи, 2007-2009 йилларда Пастдарғом тумани ғазначилик бўлими бошлиғи, 2009-2009 йилларда Самарқанд вилояти ғазначилик бошқармаси бошлиғи ўринбосари,

2009-2011 йилларда Самарқанд шаҳар ғазначилик бўлими бошлиғи, 2011-2014 йилларда Пахтачи тумани ҳокимининг иқтисодиёт ва ижтимоий ривожлантириш масалалари бўйича ўринбосари, 2014-2015 йилларда Пастдарғом тумани ҳокимининг иқтисодиёт ва ижтимоий ривожлантириш масалалари бўйича ўринбосари лавозимларда ишлаган.

2015 йилнинг 25 сентябрдан буён Самарқанд вилояти меҳнат бош бошқармаси бошлиғи сифатида фаолият кўрсатиб келмоқда.