Вилоят ҳокимининг ўринбосарлари таркибида ўзгариш бўлди

Вилоят ҳокимининг ўринбосари – инвестициялар ва ташқи савдо бошқармаси бошлиғи лавозимида фаолият олиб борган Ходжаев Ойбек Эркинович бошқа ишга ўтиши муносабати билан эгаллаб турган лавозимидан озод этилди. Вилоят ҳокимлигида ўтказилган тадбирда Ойбек Эркиновичга вилоятда олиб борган самарали фаолияти учун миннатдорлик билдирилди.

Тегишли қарорга мувофиқ вилоят ҳокимининг ўринбосари - инвестициялар ва ташқи савдо бошқармаси бошлиғи лавозимига Мирзабеков Ойбек Алибекович тайинланди.

Ойбек Алибекович 1980 йилда Самарқанд вилояти, Булунғур туманида туғилган бўлиб, ушбу тайинловга қадар “Ўзсаноатэкспорт” АЖ бошқаруви раиси лавозимида фаолият олиб борган.