Вилоят Кенгашининг етмишинчи сессияси 2022 йил 19 август куни соат 8:00 да чақирилади. Сессия кун тартибига қуйидаги масалалар киритилган: 

- Ўзбекистон Республикаси Президентининг 2021 йил 10 декабрдаги “Ўзбекистон Республикасининг ижтимоий ва ишлаб чиқариш инфратузилмасини ривожлантириш дастури ҳамда бошқа давлат дастурлари ижроси устидан назоратни кучайтиришга доир қўшимча чора-тадбирлар тўғрисида”ги ПҚ-43-сонли қарори ижроси юзасидан вилоят ҳокими ўринбосари А.Шукуровнинг ҳисоботи;
- Вазирлар Маҳкамасининг 2022 йил 28 апрелдаги “2022-2026 йилларда Самарқанд вилояти ҳудудларини комплекс ижтимоий-иқтисодий ривожлантириш ва аҳоли турмуш даражасини янада яхшилашга доир қўшимча чора-тадбирлар тўғрисида”ги 222-сонли қарори ижроси юзасидан вилоят ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари Х.Очиловнинг ҳисоботи;
- Ургут туманида хизматлар соҳасини ривожлантириш дастури ижроси тўғрисида Ургут туман ҳокими ва сектор раҳбарларининг ҳисоботи;
- Вилоят Адлия бошқармаси бошлиғи С.Нуриевнинг вилоятда 2022 йил I ярим йиллигида норма ижодкорлиги ҳамда ҳуқуқни қўллаш амалиёти ҳолати юзасидан ҳамда жойларда ҳуқуқий-тарғибот ва маърифатнинг аҳволи тўғрисидаги ахбороти;
- Вилоят Чорвачиликни ривожлантириш ва ветеринария бошқармаси бошлиғи А.Нуруллаевнинг вилоятда Чорвачилик соҳасида амалга оширилаётган ишлар тўғрисидаги ҳисоботи;
- Вилоятдаги ички хўжалик йўлларини реконструкция қилиш ва таъмирлаш ишларини янада жонлантириш бўйича қўшимча чора-тадбирлари тўғрисида;
- вилоят маҳаллий бюджетининг қўшимча манбаларидан фойдаланиш тўғрисида.
Асос: Вилоят ҳокимининг 12 августда қабул қилинган "Халқ депутатлари Самарқанд вилояти Кенгашининг олтинчи чақириқ, етмишинчи сессиясини чақириш тўғрисида"ги Қарори.