Самарқанд вилояти ҳокимлиги w w w . s a m a r k a n d . u z

Ургутда алимент тўлови ўрнига "DAMAS" автомашинаси берилди

Ургутда алимент тўлови ўрнига "DAMAS" автомашинаси берилди

Ургут туманида икки нафар фарзанди учун алимент тўлаши белгиланган қарздор ота муаммони ўзгача усулда ҳал қилди.

Маълум бўлишича, фуқаролик ишлари бўйича Тойлоқ туманлараро судининг 2019 йил 10 октябрдаги қарорига асосан Б.Э.дан Ф.Б. фойдасига икки нафар вояга етмаган фарзандлари таъминоти учун алимент ундириш белгиланган.

Бироқ ота мажбуриятини етарли даражада бажармаган. Бўлим ходимлари фарзандлари учун алимент тўламай юрган отага қарздорлик бартараф этилмаса маъмурий, кейинчалик жиноий жавобгарликка тортилиши мумкинлигини бир неча бор тушунтирган.

Бундан хулоса чиқарган Б.Э. фарзандлари вояга етгунига қадар алимент қарзидан бир зумда қутулиш учун алимент тўлови ўрнига Ф.Б.га ўз номидаги “Damas” автомашинасини таклиф қилган.

МИБ Самарқанд вилояти бошқармаси маълум қилишича, ундирувчи Ф.Б. таклифни қабул қилгач, автомашина унинг номига ўтказиб берилиб, ижро ҳужжати эса амалда тамомланди.


Киритилган вақти: 15/02/2021 12:04.   Кўрилганлиги: 437
 
Материал манзили: https://samarkand.uz/uz/press/news/urgutda-aliment-tolovi-orniga-damas-avtomashinasi-berildi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 13

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.