Британиянинг нуфузли The Times нашри ўзининг Travel рукнида сайёҳат учун қулай жойлар қаторида Самарқанд, Бухоро, Хиваларни ҳам қўшиб қўйди.

Нашриёт ўз обуначиларига 2023 йили Автралия, Янги Зеландия, Япония, Миср, Қатар, Кения, Сенегал, Ўзбекистон каби давлатларга боришни тавсия қилган.

“Самарқанднинг олтин даври Ипак йўли даврига тўғри келади. Бугун Ўзбекистон нафақат Самарқанд, балки ўзининг яна икки қадимий, мафтункор маркази — Бухоро ва Хива билан ҳам туристларни лол қолдира олади. Бу қадимий шаҳарлар яшил гумбазли масжидлари ва жавоҳирлар билан безатилган мақбаралари билан одамларни ўзига боғлаб туради. Шунингдек, Самарқанд шаҳри яқинида жойлашган Silk Road туристларга ҳашаматли меҳмонхоналар ва гастрономияни таклиф қилади”, дейилади мақолади.