Ўзбекистон Республикаси Вазирлар Маҳкамасининг 2020 йил 19 февралдаги “Наслчилик хўжаликлари мақомини бериш тартиби тўғрисидаги низомни тасдиқлаш ҳақида”ги қарори ижросини таъминлаш борасида

“Ўзагроинспекция”нинг Самарқанд вилояти бошқармаси ва туман бўлимлари томонидан доимий назорат ўрнатилган.

– Жорий йилнинг 1 январь ҳолатида вилоятда чорвачиликнинг барча йўналишида 177 та наслчилик хўжаликлари мавжуд эди, – дейди “Ўзагроинспекция”нинг Самарқанд вилояти бошқармаси бош инспектори У.Яхшимуродов. – 2022 йилнинг 6 ойи давомида эса қорамолчилик йўналишида 12 та, қўйчилик йўналишида 2 та, паррандачилик ва асаларичилик йўналишларида 1 тадан, жами 16 та субъектга наслчилик мақоми берилди.

Жумладан, қорамолчилик йўналишида Булунғур туманидаги “Хўжан Норматов даласи” фермер хўжалигига қорамолларнинг Симментал зоти бўйича, Самарқанд туманидаги “Қурбон чорва” фермер хўжалигига қорамолларнинг Гольштин зоти бўйича, қўйчилик йўналишида Қўшработ туманидаги “Жўш қоракўл наслли чорва” масъулияти чекланган жамиятига қўйларнинг Ҳисори зоти бўйича, паррандачилик йўналишида Оқдарё туманидаги “Зарафшон Ломанн Парранда” масъулияти чекланган жамиятига паррандаларнинг суперник зоти бўйича ва асаларичилик йўналишида Тойлоқ туманидаги “Орзу Олим Дилмурод” фермер хўжалигига асаларининг Карпат зоти бўйича наслчилик мақоми берилди.

Ғ.Ҳасанов, ЎзА