Туризм ва маданий мерос вазирлиги ҳамда унинг ҳузуридаги Маданий мерос агентлиги ташаббуси билан юртимизда илк бор “Ўзбекистонда тарихий-маданий ёдгорликларни асрашга доир долзарб масалалар” мавзусида реставраторлар семинари ўтказилади.

Семинар 5-6 октябрь кунлари Самарқанд шаҳрида бўлиб ўтади.

Тадбирда Ўзбекистон халқининг бой тарихи ва маданиятини акс эттирувчи ноёб ва нодир маданий меросини асраб-авайлашни кучайтириш, соҳани рақамлаштириш, инновацион ривожлантириш ва моддий-техника базасини мустаҳкамлаш, жаҳоннинг илғор тажрибаларини самарали қўллаш чораларини кўриб чиқиш мақсад қилинган.

Ушбу семинарда Ўзбекистоннинг барча реставратор усталари иштирок этиши кутилмоқда.