Самарқанд вилояти ҳокимлиги w w w . s a m a r k a n d . u z

Samarqand viloyati va Shensi provinsiyasi o‘rtasida hamkorlik aloqalari rivojlanadi

Samarqand viloyati va Shensi provinsiyasi o‘rtasida hamkorlik aloqalari rivojlanadi

Kuni kecha Samarqand viloyati va Shensi provinsiyasi o’rtasida iqtisodiy hamkorlik bo’yicha bitim imzolanganligi haqida xabar bergan edik. 

Xitoy Xalq Respublikasidagi tashrifi doirasida bugun viloyat hokimi Erkinjon Turdimov Shensi provinsiyasi hamda Sian shahri partiya rahbarlari bilan uchrashdi.

Uchrashuvda Samarqand viloyati va Xitoyning Shensi provinsiyasi o‘rtasida do‘stlik va hamkorlikni rivojlantirish, tomonlar o‘rtasida do‘stona munosabatlarni mustahkamlash, sheriklik aloqalarini o‘rnatish, iqtisodiyot, fan va texnika, madaniyat va ta’lim, turizm, tarixiy yodgorliklarni muhofaza qilish va tadqiq etish sohalarida turli shakllarda almashinuv va hamkorlikni amalga oshirish masalalari kelishib olindi. O‘zaro manfaatli investitsiya loyihalarini amalga oshirish, tovar ayriboshlashni kengaytirish, savdo ko‘rgazmalari va yarmarkalar kabi yirik tadbirlarda faol ishtirok etish masalalari ham bugungi muhokama markazida bo’ldi.

Uchrashuv yakunida Erkinjon Turdimov Shensi provinsiyasi hamda Sian shahri rahbarlari va tadbirkorlarini Samarqandga taklif qildi. Tez kunlarda ikki mintaqa tadbirkorlari o’rtasida biznes forumlar va uchrashuvlar o’tkazish belgilandi.


Киритилган вақти: 20/05/2023 08:28.   Кўрилганлиги: 223
 
Материал манзили: https://samarkand.uz/uz/press/news/samarqand-viloyati-va-shensi-provinsiyasi-ortasida-hamkorlik-aloqalari-rivojlanadi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 1
Меҳмонлар: 3

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.