Самарқанд вилояти ҳокимлиги w w w . s a m a r k a n d . u z

Самарқанд вилояти 2021 йилда 25 млн долларлик майиз экспорт қилди

Самарқанд вилояти 2021 йилда 25 млн долларлик майиз экспорт қилди

2021 йилдан бошлаб самарқандлик тадбиркорлар ўз маҳсулотларини

Ямайка, Колумбия, Қатар, Македония, Бангладеш ва Ливанга экспорт қилиш эвазига вилоятда ишлаб чиқарилган маҳсулотларининг экспорт географияси 56 та давлатга кенгайган. Бу ҳақда вилоят ҳокими Эркинжон Турдимов халқ депутатлари Самарқанд вилоят кенгашининг 50-сессиясидаги мурожаатида маълум қилди, дея хабар бермоқда «Дарё» мухбири.

Вилоят ҳокимининг маълум қилишича, 2021 йил самарқандлик тадбиркорлар 402 миллион долларлик маҳсулот экспорт қилган — бу режа 16 фоизга ошириб (55 миллион долларга) бажарилди дегани. Экспорт ҳажми бир йил олдингига қараганда 60 фоизга ошган.

Таъкидланишича, Самарқанддан 2021 йил 144 миллион долларлик текстил, 125 миллион долларлик озиқ-овқат, 30 миллион долларлик озуқа-ем ҳамда 23 миллион долларлик металл ва ундан тайёрланган маҳсулотлар экспорти амалга оширилган.

2021 йилда 25 миллион долларлик майиз, 11,6 миллион долларлик мош, 9 миллион долларлик узум, 5,5 миллион долларлик ерёнғоқ каби маҳсулотлар экспорт қилинган. Шунингдек, 700 минг долларлик 7 турдаги янги салат барги, янги навли гилос, янги узилган селдерей кўкатлари ва янги навли бодринг Монголия, Ироқ, Қозоғистон ва Россия давлатларига экспорт қилинган.


Киритилган вақти: 18/12/2021 16:54.   Кўрилганлиги: 373
 
Материал манзили: https://samarkand.uz/uz/press/news/samarqand-viloyati-2021-yilda-25-mln-dollarlik-mayiz-eksport-qildi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 2

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.