Айни пайтда вилоят ҳокими Э.Турдимов Самарқанд тумани фаоллари, маҳалла фуқаролар йиғинлари раислари ва бошқа мутасаддилар иштирокида ҳудудни ободонлаштириш борасидаги ишларни танқидий муҳокама қилмоқда.

- Жорий йилда Самарқанд йирик халқаро тадбирларга мезбонлик қилади. Бу жараёнда Самарқанд шаҳри ва туманида жуда катта ҳажмдаги қурилиш-ободонлаштириш ишлари амалга оширилмоқда. Хўш, биз бунга қандай ҳисса қўшяпмиз, ўз маҳалламиз, хонадонимизни саранжом-саришта қилиб қўйдикми? Бунга ўзимизни масъул деб биляпмизми? Бугун ҳар бир самарқандлик ўзига шундай саволлар бериши керак, - деди Э.Турдимов.