Самарқанд вилояти ҳокимлиги w w w . s a m a r k a n d . u z

Нуробод туманидаги тўртта маҳалла йўллари таъмирланди

Нуробод туманидаги тўртта маҳалла йўллари таъмирланди

Яқинда Самарқанд вилоят ҳокими Эркинжон Турдимов Нуробод туманидаги “Иттифоқ”, “Чорвадор”, “Олға”, “Ўртабўз” маҳалла фуқаролар йиғинлари аҳолиси билан учрашиб, уларни қийнаб келаётган муаммоларни тинглаган эди.

Учрашувда вилоят ҳокими тумандаги “Нуробод-Ўртабўз-Меҳр-Олға” ва «Тошқудуқ-Олға-Ҳазармали» автомобиль йўлларининг 34 километрдан иборат таъмирталаб қисмини асфальт қилиш бўйича мутасаддиларга топшириқ берган эди.

Ўтган қисқа вақт ичида “Чорвадор” МФЙдан Нуробод тумани марказигача бўлган автомобиль йўлини асфальт қилиш ишлари тўлиқ бажарилди. Бу лойиҳа амалга оширилиши натижада туманнинг тўртта маҳалласида истиқомат қилаётган 16 мингдан ортиқ аҳолининг оғири енгил, узоғи яқин бўлди. Бугун уларнинг қувончи чексиз.

— Замонавий шароитларга эга маҳаллада яшаш кўп йиллик орзумиз эди,—дейди “Олға” маҳалла фуқаролар йиғини фаоли Иброҳим Рўзиқулов. – Эндиликда бизнинг маҳалламизда ҳам барча қулайликларга эга инфратузилма яратилмоқда. Мурожаатимиз асосида йўлларимиз таъмирлаб берилганидан мамнунмиз.  

Шунингдек, Қурбон ҳайити арафасида туман марказида жойлашган “Ҳазрати Али” масжидининг олди ва масжидга олиб борувчи йўллар ҳам асфальт қилинди.

Абдулазиз ЙЎЛДОШEВХалқ сўзи”.


Киритилган вақти: 05/07/2023 18:57.   Кўрилганлиги: 157
 
Материал манзили: https://samarkand.uz/uz/press/news/nurobod-tumanidagi-tortta-mahalla-yollari-tamirlandi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 2
Меҳмонлар: 10

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.