Президент топшириғи билан Республика вилоятлари Қорақалпоғистондаги барча туманларга бириктирилган бўлиб, Самарқанд вилоятига Нукус туманини ўз тажрибаси асосида ривожлантиришга кўмаклашиш белгиланган.

Ушбу ғояни амалга ошириш мақсадида айни пайтда вилоят ҳокими Эркинжон Турдимов бошчилигида бир гуруҳ самарқандлик тадбиркорлар Қорақалпоғистоннинг Нукус туманида бўлишиб, туманни ижтимоий-иқтисодий ривожлантириш мақсадида ишлаб чиқилган лойиҳаларнинг якуний муҳокамаларини ўтказишмоқда.

Ишлаб чиқилган режага мувофиқ самарқандлик тадбиркорлар Нукус туманида боғдорчилик, балиқчилик, паррандачилик, тўқимачилик, қишлоқ хўжалиги маҳсулотларини қайта ишлаш ҳамда метал профилларни ишлаб чиқишга қаратилган лойиҳаларни амалга ошириши мўлжалланган.