Олдинги хабарларимизда маълум қилганимиздек, айни кунларда вилоятимизда фаолият юритаётган маҳалла раислари учун иккинчи босқич малака ошириш ўқувлари ўтказилмоқда. 

Мазкур ўқувлар доирасида вилоят ҳокимининг маҳалла раислари билан учрашуви ҳам дастурдан ўрин олган.

Бугун Самарқанд давлат университетининг катта мажлислар залида 170 нафар Каттақўрғон шаҳар, Жомбой, Булунғур, Иштихон ва Самарқанд туманларидаги маҳалла раисларининг вилоят ҳокими билан учрашуви бўлиб ўтди.

Учрашувда вилоят ҳокими раисларнинг бугунги жамиятдаги роли ҳақида сўзлаб, маҳалла раиси том маънода ўз маҳалласининг эгаси бўлишлиги, маҳаллада фаолият олиб бораётган ҳоким ёрдамчиси, ёшлар етакчиси, хотин-қизлар фаоли ва профилактика инспекторлари билан қай тарзда иш олиб бориш кераклиги борасидаги фикрларини билдирди.

Учрашув савол-жавобга бой бўлиб, маҳалла раислари уларни қийнаб келаётган муаммолари ҳақида сўзлаб беришди. Муаммолар атрофлича муҳокама этилиб, ечими юзасидан тавсиялар ва масъулларга топшириқлар берилди.