Бугун вилоят ҳокимлигида электр тармоқлари корхоналари фаолиятини ўрганаётган ишчи гуруҳларнинг ҳафталик ҳисобот йиғилиши ўтказилди. 

Вилоят ҳокими, вилоят прокурори ва "Ҳудудий электр тармоқлари" АЖ раисининг биринчи ўринбосари иштирок этган йиғилишда ҳудудлардаги ҳолат танқидий руҳда муҳокама этилди.

Муҳокама давомида йўл қўйилган хато ва камчиликлари сабаб Каттақўрғон ва Булунғур туманлари электр тармоқлари корхонаси раҳбарлари эгаллаб турган лавозимидан озод этилганлиги маълум қилинди. Шунингдек, Қўшработ, Оқдарё, Пайариқ туманлари электр тармоқлари корхонаси раҳбарлари ва Самарқанд тумани электр тармоқлари корхонасининг икки нафар ходими фаолиятига вилоят прокуратураси томонидан ҳуқуқий баҳо берилиши билдирилди.

Ишчи гуруҳларнинг ўрганишлари ҳудудларда давом этмоқда.