Самарқанд вилояти ҳокимлиги w w w . s a m a r k a n d . u z

Ҳоким айрим маҳалла раислари фаолиятини танқид қилди

Ҳоким айрим маҳалла раислари фаолиятини танқид қилди

Айни кунларда вилоятимизда фаолият юритаётган маҳалла раислари учун малака ошириш ўқув-семинарининг якуний - бешинчи босқичи ўтказилмоқда.

Самарқанд давлат университетида Пахтачи, Тойлоқ, Ургут ҳамда Қўшработ туманларидаги 249 нафар маҳалла раислари иштирокида ўтказилган семинарда вилоят ҳокими Эркинжон Турдимов иштирок этди.

Вилоят ҳокими раисларнинг жамиятдаги роли ҳақида сўз юритиб, маҳаллада фаолият олиб бораётган ҳоким ёрдамчиси, ёшлар етакчиси, хотин-қизлар фаоли ва профилактика инспекторга бош бўлиб, кераклигини таъкидлади.

- Маҳалла раиси маҳалланинг эгаси, етакчиси бўлиб ишлаши ва аҳоли ундан рози бўлиб яшаши керак, - деди Э.Турдимов. – Бешовлон аҳолининг муаммосини ўрганиши ва биргаликда ечим топиши лозим. Маҳалла раиси янги ғоялар, ташаббуслар билан тегишли раҳбарларга, туман ҳокимларига, керак бўлса вилоят ҳокимига чиқиши зарур. Агар ҳар бир маҳалла раиси халқнинг дарди билан яшаса, талабчан бўлса, раҳбарлар унга ҳисобот беради.

Учрашувда вилоят ҳокими ўз ишига масъулиятсизлик билан ёндашаётган айрим маҳалла раислари фаолиятини танқидий таҳлил қилди ва мавжуд муаммолар атрофлича муҳокама этилиб, ечими юзасидан масъулларга топшириқлар берилди.


Киритилган вақти: 01/08/2022 18:23.   Кўрилганлиги: 272
 
Материал манзили: https://samarkand.uz/uz/press/news/hokim-ayrim-mahalla-raislari-faoliyatini-tanqid-qildi

 

Сўровнома


Веб-сайтимиз орқали қайси соҳа бўйича кўпроқ янгиликлар жойлаштирилишини истайсиз?

Хабарларга обуна бўлиш


Статистика


Ҳозир онлайн
Рўйхатдан ўтганлар: 0
Меҳмонлар: 3

Ҳаракатлар стратегияси 2017-2021

 

Copyright © 2010 – 2018. Самарқанд вилояти ҳокимлиги. Сайт материалларидан фойдаланганда www.samarkand.uz манбаи кўрсатилиши шарт.