Юртимизда журналистика, матбуот, адабиёт ва маданият ривожи йўлида самарали меҳнат қилиб келаётган фидойи журналист Нусрат Раҳмат бугун 80 ёшни қарши олди.

Вилоят ҳокими раҳбарлигида бир гуруҳ вакиллар Нусрат Раҳмат хонадонида бўлиб, Самарқанднинг фидойи ҳамда фаол фарзандини қутлуғ ёш билан табриклашди. Сиҳат-саломатлик, оилавий фаровонлик ва ижодий жўшқинлик тилашди. Бир пиёла чой устида самимий суҳбат қурилди.

Ўз навбатида Нусрат Раҳмат меҳмонларга миннатдорлигини билдириб, уйида ташкил этилган музей ва ундаги экспонатлар билан таништирди.