Паст Дарғом тумани марказида жойлашган «Янги Ўзбекистон» майдонида ёшлар фестивали доирасида гала-концерт бўлиб ўтди.

Унда вилоят ҳокими Эркинжон Турдимов иштирок этиб, ушбу фестивалга ўзининг муносиб ҳиссасини қўшаётган ташкилотчиларга миннатдорлик билдирди, туман ёшларини табриклади.

- Ўтказилаётган ушбу фестиваль тумандаги келажаги бор ёшлар учун, - деди Э.Турдимов. - Паст Дарғомда спортчилар, чемпионлар ва турли танловлар ғолиблари кўп. Ўйлайманки, бу ютуқлар бардавом бўлади.

Шундан сўнг фестиваль доирасида ўтказилган мусобақалар ғолиблари ва "Энг фаол ёшлар етакчиси", "Энг зукко китобхон оила", "Энг фаол ҳамкорлик қилган ҳоким ёрдамчиси" ҳамда бошқа турли номинациялар ғолиблари ҳамда меҳнати билан жонбозлик кўрсатаётган соҳа ходимлари тақдирланди.