2023-yil 4-fevral kuni soat 10:30da Samarqand viloyati bojxona boshqarmasining ma'muriy binosida

(Samarqand shahri, Bo‘stansaroy ko‘chasi, 85-a uy) tashqi iqtisodiy faoliyat qatnashchilariga qonunchilikdagi yangiliklar, bojxona tizimiga oid so‘nggi qabul qilingan me'yoriy hujjatlarning mazmun-mohiyatiga bag‘ishlangan seminar-trening o‘tkaziladi.

Mazkur seminar-treningda viloyat bojxona boshqarmasi xodimlari, viloyatda faoliyat ko‘rsatuvchi tadbirkorlik sub'ektlari va ommaviy axborot vositalari vakillari ishtirok etadi.

Ushbu seminar-treningga qatnashish istagini bildirgan tashqi iqtisodiy faoliyat ishtirokchilari, eksportyorlar, xususiy tadbirkor va korxona, tashkilot vakillarini taklif etib qolamiz.

Samarqand viloyati bojxona boshqarmasi