Бугун Эрон, Хитой ва Қирғизистон етакчилари Самарқандга етиб келади

O‘zb Ўзб Рус Eng

Самарқанд вилояти ҳокимлиги
расмий веб-сайти

Самарқанд вилояти ҳокимлиги w w w . s a m a r k a n d . u z

Чоп этиш

Бугун Эрон, Хитой ва Қирғизистон етакчилари Самарқандга етиб келади

Саммитнинг биринчи олий мартабали меҳмони – Мўғулистон Президенти Ухнаагийн Хурэлсух Самарқандга етиб келди.

Шунингдек, айни дақиқаларда Бирлашган Миллатлар Ташкилоти Бош котиби ўринбосари Розмари Ди Карлонинг ташрифи кутилмоқда.

Бугун Эрон Ислом Республикаси Президенти Иброҳим Раисийнинг расмий ташрифи бошланади. У Самарқандга тушдан сўнг етиб келади, олий даражадаги музокаралар бугуннинг ўзида бўлиб ўтади. Учрашув якунида савдо, кооперация, инновациялар, транспорт, энергетика, туризм ва бошқа йўналишларда ҳужжатлар имзоланиши режалаштирилган.

Шунингдек, бугун куннинг иккинчи ярмида Хитой Халқ Республикаси Раиси Си Цзиньпин ва Қирғиз Республикаси Президенти Садыр Жапаровлар ҳам Самарқандга етиб келади.

Қолган барча меҳмонлар ташрифи эса эртага, 15 сентябрь куни кутилмоқда.

Киритилган вақти: 14/09/2022 10:55. Кўрилганлиги: 265

Материал манзили: https://samarkand.uz/uz/press/news/bugun-eron-xitoy-va-qirgiziston-etakchilari-samarqandga-etib-keladi