"Ўзбекистон ҳаво йўллари" миллий авиакомпанияси ташкил топган кун муносабати билан Самарқанд халқаро аэропорти жамоаси Самарқанд шаҳридаги меҳрибонлик уйлари тарбияланувчиларининг аэропортга саёҳатини ташкил қилди.

Болалар аэропортнинг вақтинчалик терминалидаги шароитлар, амалга ошириладиган жараёнларни томоша қилишди. Улар рўйхат ва назорат пунктларидан ўтиб, кутиш залидаги ўриндиқларда ўтириб, ўзларини йўловчилардек ҳис қилишди ҳамда учиш-қўниш майдонида ҳаво кемасининг қўниш жараёнини кузатишди.