Америка Қўшма Штатлари Қуролли Кучлари Марказий қўмондонлиги қўмондони,

генерал Майкл Эрик Курилла бошчилигидаги делегация Ўзбекистон Республикаси мудофаа вазирининг биринчи ўринбосари – Қуролли Кучлар Бош штаби бошлиғи Ш.Холмухамедов ҳамроҳлигида Самарқандга ташриф буюрди.

Меҳмонлар нафақат Самарқанд шаҳрининг тарихий ва диққатга сазовор жойлари билан танишди, балки Ургут туманида ҳам бўлишди.

Қоратепа маҳалласи ҳудудидаги “Тешиктош” тепалигида делегация вакиллари фольклор жамоалари чиқишлари, ургутлик миллий ҳунармандлар ижодидан баҳраманд бўлди. Шунингдек, камондан отиш, ўзбек миллий кураши каби этноспорт турлари бўйича мусобақалар гувоҳи бўлишди.