80 ёшга тўлган Ўзбекистонда хизмат кўрсатган журналистни Самарқанд вилояти ҳокими табриклади

O‘zb Ўзб Рус Eng

Самарқанд вилояти ҳокимлиги
расмий веб-сайти

Самарқанд вилояти ҳокимлиги w w w . s a m a r k a n d . u z

Чоп этиш

80 ёшга тўлган Ўзбекистонда хизмат кўрсатган журналистни Самарқанд вилояти ҳокими табриклади

1941 йилда Самарқанд шаҳрида туғилган ва узоқ йиллар “Ўзбекистони Сурх” (кейинчалик “Ҳақиқати Ўзбекистон”, ҳозирда “Овози тожик”) газетасида, республика радиосида, СТВ телеканалида фаолият юритган

Ўзбекистон хизмат кўрсатган журналист Муайяна Хўжаева бугун 80 ёшга тўлди.

Шу муносабат билан фахрий журналистга Самарқанд вилояти ҳокими Э.Турдимовнинг табриги ва эсдалик совғаси топширилди.

– Кўрсатилган бундай эътибордан бошим кўкка етди, – деди М.Хўжаева. – Яқинда Матбуот ва оммавий ахборот воситалари ходимлари куни муносабати билан ўтказилган тантанали маросимда ҳам заҳматли меҳнатларими эътироф этилганидан хурсанд бўлгандим. Бу юртимизда ижод аҳлига, журналистларга бўлган ғамхўрликнинг яна бир ёрқин ифодаси, деб биламан. Илоҳим, мени эъзозлаганларнинг ўзлари ҳам доим ҳурмат ва эътиборда, халқимиз эъзозида бўлсинлар!

Шунингдек, М.Хўжаевага вилоят тожик ва тожикзабон миллий маданий маркази, “Овози Самарқанд” газетасининг эсдалик совғалари ҳамда Ўзбекистон Журналистлари ижодий уюшмасининг янги намунадаги гувоҳномаси ва кўкрак нишони тантанали топширилди.