Халқ депутатлари Самарқанд вилояти Кенгашининг қарори

Ўзбекистон Республикасининг“Маҳаллий давлат ҳокимияти тўғрисида”ги Қонуни 19 ва 24-моддалари ҳамда халқ депутатлари Самарқанд вилояти Кенгаши Регламентининг 40 ва 41-бандларига асосан халқ депутатлари вилоят Кенгаши ҚАРОР ҚИЛАДИ:

I. Халқ депутатлари Самарқанд вилояти Кенгашининг қуйидаги йўналишлар бўйича еттита доимий комиссиялари тузилсин:

1. Маҳаллий бюджетни шакллантириш ва ижро этиш, иқтисодий ислоҳотни амалга ошириш ва тадбиркорликни ривожлантириш масалалари бўйича;

2. Қонунийлик, ҳуқуқ-тартибот ва фуқаролар хавфсизлигини таъминлаш масалалари бўйича;

3. Ижтимоий-маданий ривожланиш масалалари бўйича;

4. Қишлоқ ва сув хўжалиги ҳамда атроф-муҳитни муҳофаза қилиш масалалари бўйича;

5. Ёшлар сиёсати ва соғлом авлодни тарбиялаш масалалари бўйича;

6. Саноат, транспорт, қурилиш, алоқа, коммунал хўжалик ҳамда аҳолига хизматлар кўрсатиш масалалари бўйича;

7. Регламент ва депутатлик одоби масалалари бўйича.

II. Халқ депутатлари вилоят Кенгаши доимий комссияларининг таркиби 1-7 иловаларга мувофиқ тасдиқлансин.

Халқ депутатлари Самарқанд вилояти Кенгаши сессиясининг раиси                                 
Т.Остонакулов                    

2015 йил 8 январь