Вилоят ҳокимининг 2016 йил 15 апрелдаги

O‘zb Ўзб Рус Eng

Самарқанд вилояти ҳокимлиги
расмий веб-сайти

Самарқанд вилояти ҳокимлиги w w w . s a m a r k a n d . u z

Вилоят ҳокимининг 2016 йил 15 апрелдаги "Ҳудудда санитар-тозалик хизматлари учун тарифларни белгилаш тўғрисида"ги 99-Қ-сонли қарори (Вилоят ҳокимининг 2017 йил 31 августдаги 504-Қ қарорига асосан ўз кучини йўқотган)

Ушбу қарор Самарқанд вилоят ҳокимининг 2017 йил 31 августдаги 504-Қ қарорига асосан ўз кучини йўқотган (юклаб олиш JPG 79,9 Кб)

Самарқанд вилояти ҳокимининг 2016 йил 15 апрелдаги 99-сонли қарори

Ўзбекистон Республикасининг “Истеъмолчиларнинг ҳуқуқларини ҳимоя қилиш тўғрисида”ги (Ўзбекистон Республикаси Олий Мажлисининг Ахборотномаси, 1996 й., 5-6-сон, 59-модда)нинг “Чиқиндилар тўғрисида”ги (Ўзбекистон Республикаси Олий Мажлисининг Ахборотномаси, 2002 й., 4-5-сон, 72-модда) қонунлари, Вазирлар Маҳкамасининг 1992 йил 14 августдаги 381-сонли “Аҳолига сотиладиган ёқилғи, энергия ва кўрсатиладиган хизматлар чакана нархлари ҳамда тарифларини қайта кўриб чиқиш тўғрисида”ги, 2010 йил 28 октябрдаги 239-сонли “Товарлар (ишлар, хизматлар)га тартибга солинадиган нархлар (тарифлар)ни декларация қилиш (тасдиқлаш) ва белгилаш тартибини янада такомиллаштириш чора-тадбирлари тўғрисида”ги (Ўзбекистон Республикаси қонун ҳужжатлари тўплами, 2010 й. 42-43-сон, 364-модда), 2014 йил 15 июлдаги 194-сонли “Коммунал хизматлар кўрсатиш қоидаларини тасдиқлаш тўғрисида”ги Ўзбекистон Республикаси қонун ҳужжатлари тўплами, 2014 й., 30-сон, 368-модда) қарорларини бажариш мақсадида ҳамда вилоят Молия бошқармасининг 2016 йил 24 мартдаги 2-6/459-сонли хулосасини инобатга олиб ҚАРОР ҚИЛАМАН:

1. Ҳудуддаги шаҳарлар ва туманларда қаттиқ ва маиший чиқиндиларни йиғиш ва ташиб кетиш хизматлари тарифлари иловага мувофиқ тасдиқлансин ҳамда 2016 йил 15 апрелдан бошлаб жорий этилсин.

2. Мазкур турдаги хизматлар Вазирлар Маҳкамасининг 2013 йил 3 декабрдаги “Республика аҳоли пунктларида санитария жиҳатидан тозалаш тизимини ривожлантириш ва такомиллаштириш чора-тадбирлари тўғрисида”ги 315-сонли қарорининг 4-бандига мувофиқ Самарқанд ва Каттақўрғон шаҳарларида санитария жиҳатидан тозалаш бўйича ихтисослаштирилган ташкилотлар томонидан, туманлар марказларида, шаҳар посёлкаларида ва қишлоқ аҳоли пунктларида эса ободонлаштириш бошқармалари томонидан кўрсатилиши қайд қилинсин.

3. Шаҳарлар ва туманлар ҳокимликлари мазкур қарор талабидан келиб чиқиб, юқоридаги муносабатларни тартибга солишга қаратилган қарорларини бекор қилиш чораларини кўрсин.

4. Ушбу қарор расмий эълон қилинган кундан бошлаб кучга киради.

5. Мазкур қарор ижросини назорат қилиш вилоят ҳокимининг ўринбосари О.Очилов зиммасига юклансин.

Вилоят ҳокими З.Мирзаев

2016 йил 15 апрель

Вилоят ҳокимининг
2016 йил 15 апрелдаги
99-сонли қарорига
илова

Қаттиқ ва маиший чиқиндиларни ташиб кетиш хизматлари учун
ТАРИФЛАР

№	Туман (шаҳар)лар номи	Аҳоли учун тариф (1 киши учун 1 ойда)	Юридик ташкилотлар учун тариф
№	Туман (шаҳар)лар номи	Аҳоли учун тариф (1 киши учун 1 ойда)	1 тонна учун	1 м.куб учун
1	Самарқанд шаҳри	2 000	55881	22 440
2	Каттақўрғон шаҳри	1 600	43878	17 620
3	Оқдарё тумани	1 300	52390	24 180
4	Булунғур тумани	1 200	48707	22 480
5	Жомбой тумани	1 300	50742	23 419
6	Иштихон тумани	1 200	49464	22 830
7	Каттақўрғон туман	1 200	48014	22 160
8	Қўшработ тумани	1 400	57633	26 600
9	Нарпай туман	1 200	47883	22 100
10	Нуробод тумани	1 200	48 426	22 350
11	Пайариқ тумани	1 200	47 668	22 000
12	Пастдарғом туман	1 300	54168	25 000
13	Пахтачи тумани	1 200	49941	23 050
14	Самарқанд тумани	1 400	57199	26 400
15	Тайлоқ тумани	1 200	48 750	22 500
16	Ургут туман	1 300	53 084	24 500

Изоҳ: вилоят ҳокимининг 2015 йил 29 декабрь 269-Қ-сонли қарори билан тасдиқланган қоидаларга асосан қаттиқ ва маиший чиқиндилар махсус корхоналар томонидан ёз кунларида ҳар куни, қиш ойларида эса 3 кунда камида бир маротаба олиб кетилади.

Охирги ўзгариш: 03/12/2018 14:08. Кўрилганлиги: 1868

Материал манзили: https://samarkand.uz/uz/documents/expired_documents/hududda-sanitar-tozalik-xizmatlari-uchun-tariflarni-belgilash-togrisida