Қонуншунос, тилшунос ва фиқх олими Алоуддин XII асрда яшаб, машҳур олим ал-Макхулий (вафоти 508/1114 йил) ва ал-Баздавий (вафоти 482/1089 йил)ларнинг шогирди бўлган. 

Алоуддин Қуръон шарҳи ва фиқхга оид «Китоб туҳфат ал-фуқахо» («Фақихлap учун туҳфа китоби») ва «Мухталиф ар-ривоя» («Ихтилофли ривоятлар») номли асарларнинг муаллифидир. «Китоб туҳфат ал-фуқахо»га Абдулқодир ибн Масъуд ибн Аҳмад ал-Кошоний (вафоти 587/1191 йил) шарҳ ёзган. Алоуддиннинг 540/1145 йил атрофида фиқх методологиясига оид араб тилида ёзган «Мизоа ал-усул фи натоиж ал-уқул» («Ақллар чиқарган хулосалари бўйича асослар мезони») номли асарининг XIII аср охирларида кўчирилган иккита нодир қўлёзма нусхаси Ўзбекистон ФА Шарқшунослик институти қўлёзмалар марказида сақланмоқда