Tashkil topgan vaqti – 1868 yil.
Umumiy maydoni – 0,01 ming km2.
Shahar tipidagi posyolkalar (shaharchalar) soni – 1 ta.
Mahalla fuqarolari yig‘inlari soni – 36 ta.
2024-yil 1-yanvar holatidagi doimiy aholi soni – 94899 kishi (erkaklar – 47357, ayollar – 47542).
Samarqand shahrigacha bo‘lgan masofa – 100 km.
Chegaradosh tumanlar – Kattaqo‘rg‘on.

Shahar hokimi  –  Alimova Gavxar Zayirovna

Manzil: 140800, Kattaqo‘rg‘on shahri, Amir Temur ko‘chasi, 4-uy

Telefon: (0366) 231-98-02 

e-mail: info@kattakurgon.uz

veb sayt: www.kattakurgon.uz

Kattaqo‘rg‘on – Samarqand viloyatidagi shahar va qishloq tumani nomi. Zarafshon vodiysining tekislik qismida, Narpay kanalining chap sohilida joylashgan. Arxeologik qazilmalar shaharning qadimgi boy madaniyatidan darak beradi. B.Kastolskiyning o‘tkazgan arxeologik qazilmalari vaqtida assuariya – sopol tobutlar topildi. Toponim katta va qo‘rg‘on so‘zlaridan tashkil topgan bo‘lib, “katta shahar, katta qal’a” demakdir.

E.Murzaev Katta so‘zini fors tilidagi kanta (o‘ralgan, qazilgan) so‘zi bilan bog‘laydi. Qo‘rg‘on “tepalik” degan ma’noda bo‘lib, Kattaqo‘rg‘on“tepalikdagi shahar, tepadagi istehkom” degan ma’nodadir (Do‘simov Z., Egamov X. Joy nomlarining qisqacha izohli lug‘ati, T.: O‘qituvchi, 1977, 79-bet).