.

O‘zbekiston Respublikasi Vazirlar Mahkamasining 2018-yil 23-apreldagi 299-sonli qarori bilan tasdiqlangan “Ma’muriy-hududiy birliklar chegaralarini belgilash tartibi to‘g‘risida”gi Nizom hamda Davlat Rahbari tomonidan 2025-yil 29-aprel kuni o‘tkazilgan yig‘ilishda berilgan topshiriqlar ijrosi bo‘yicha ishlab chiqilgan Kadastr agentligi “Yo‘l xaritasi” ijrosi ta’minlash maqsadida Ma’muriy-hududiy birliklar chegaralarni belgilash masalalarini ko‘rib chiqish bo‘yicha hududiy komissiyasining Bulung‘ur, Jomboy, Oqdaryo, Ishtixon, Kattaqo‘rg‘on, Qo‘shrabot, Narpay, Payariq, Pastdarg‘om, Paxtachi, Samarqand, Nurobod, Urgut, Toyloq tumanlaridagi shahar, shaharcha va qishloqlar (ma’muriy-hududiy birliklar) chegaralarini belgilash to‘g‘risidagi ma’lumotlarini inobatga olib, O‘zbekiston Respublikasi “Mahalliy davlat hokimiyati to‘g‘risida”gi Qonuni 6 va 24-moddalariga asosan Xalq deputatlari Samarqand viloyati Kengashining yettinchi chaqiriq, o‘ttizinchi sessiyasi

QAROR QILADI:

1. Samarqand viloyati tumanlaridagi shahar, shaharcha va qishloqlar (ma’muriy-hududiy birliklar) chegaralarini belgilash ishlari yuzasidan Kadastr agentligi Samarqand viloyati boshqarmasi boshlig‘i F.Xudayqulovning axboroti ma’lumot uchun qabul qilinsin.
2. Quydagilar:

Bulung‘ur tumanidagi shahar, shaharcha va qishloqlarining chegaralarini belgilash to‘g‘risidagi ma’lumoti va chizmasi 1-2-ilovaga;

Jomboy tumanidagi shahar, shaharcha va qishloqlarining chegaralarini belgilash to‘g‘risidagi ma’lumoti va chizmasi 3-4-ilovaga;

Oqdaryo tumanidagi shaharcha va qishloqlarining chegaralarini belgilash to‘g‘risidagi ma’lumoti va chizmasi 5-6-ilovaga;

Ishtixon tumanidagi shahar, shaharcha va qishloqlarining chegaralarini belgilash to‘g‘risidagi ma’lumoti va chizmasi 7-8-ilovaga;

Kattaqo‘rg‘on tumanidagi shaharcha va qishloqlarining chegaralarini belgilash to‘g‘risidagi ma’lumoti va chizmasi 9-10-ilovaga;

Qo‘shrabot tumanidagi shaharcha va qishloqlarining chegaralarini belgilash to‘g‘risidagi ma’lumoti va chizmasi 11-12-ilovaga;

Narpay tumanidagi shahar, shaharcha va qishloqlarining chegaralarini belgilash to‘g‘risidagi ma’lumoti va chizmasi 13-14-ilovaga;

Payariq tumanidagi shahar, shaharcha va qishloqlarining chegaralarini belgilash to‘g‘risidagi ma’lumoti va chizmasi 15-16-ilovaga;

Pastdarg‘om tumanidagi shahar, shaharcha va qishloqlarining chegaralarini belgilash to‘g‘risidagi ma’lumoti va chizmasi 17-18-ilovaga;

Paxtachi tumanidagi shaharcha va qishloqlarining chegaralarini belgilash to‘g‘risidagi ma’lumoti va chizmasi 19-20-ilovaga;

Samarqand tumanidagi shaharcha va qishloqlarining chegaralarini belgilash to‘g‘risidagi ma’lumoti va chizmasi 21-22-ilovaga;

Nurobod tumanidagi shahar, shaharcha va qishloqlarining chegaralarini belgilash to‘g‘risidagi ma’lumoti va chizmasi 23-24-ilovaga;

Urgut tumanidagi shahar, shaharcha va qishloqlarining chegaralarini belgilash to‘g‘risidagi ma’lumoti va chizmasi 25-26-ilovaga;

Toyloq tumanidagi shaharcha va qishloqlarining chegaralarini belgilash to‘g‘risidagi ma’lumoti va chizmasi 27-28-ilovaga muvofiq tasdiqlansin.

3. Viloyat hokimi birinchi o‘rinbosari (Sh.Buranov) Kadastr agentligi Samarqand viloyati boshqarmasi (F.Xudayqulov) tumanlardagi shahar, shaharcha va qishloqlarining chegaralarini belgilash ishlarini “Ma’muriy-hududiy birliklar chegaralarini belgilash tartibi to‘g‘risida”gi Nizom talablariga qat’iy amal qilgan holda tashkil etilishini ta’minlasin.
4. Viloyat hokimligi axborot xizmati rahbari – matbuot kotibi (M.Ixtiyorov), viloyat hokimligi huzuridagi “Axborot-kommunikatsiya texnologiyalarini rivojlantirish markazi” MChJ (N.Norbekov) mazkur qarorni “Zarafshon”, “Самаркандский вестник”, “Овози Самарқанд” gazetalarida chop etilishini hamda viloyat hokimligining rasmiy veb-saytiga o‘rnatilgan tartibda joylashtirilishini ta’minlasin.
5. Ushbu qaror rasmiy e’lon qilingan kundan boshlab kuchga kiradi.
6. Mazkur qaror ijrosini nazorat qilish Xalq deputatlari viloyat Kengashining Mahalliy byudjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi (M.Po‘latov) zimmasiga yuklatilsin.

Kengash raisi                                         Sh.Negmatov

Samarqand  shahri, 2025-yil 1-iyun VII-30-99-7-0-K/26