.

Samarqand viloyatida O‘zbekiston Respublikasi Prezidenti va Hukumatning Farmon, qaror, farmoyish hamda majlis bayonlarida berilgan topshiriqlarni o‘z vaqtida va toʻliq ijrosini ta’minlash yuzasidan tizimli ishlar yoʻlga qoʻyilgan.

Jumladan, O‘zbekiston Respublikasi Prezidentining 2021-yil 10-fevraldagi PF-6166-sonli Farmoni, 2021-yil 31-maydagi PQ-5132-sonli qarori va 2025-yil 25-iyuldagi PF-117-son farmonida belgilangan topshiriqlar asosida Samarqand viloyati hokimligida O‘zbekiston Respublikasi Prezidentining Farmon, qaror, farmoyish hamda majlis bayonlarida berilgan topshiriqlari o‘z vaqtida ijroga qaratilib, to‘liq va sifatli bajarilishi qat’iy nazoratga olingan.

Tahlillarga ko‘ra, viloyat hokimligiga 2026-yilning mart oyiga qadar “Ijro.gov.uz” tizimi orqali O‘zbekiston Respublikasi Prezidentining 1 745 ta (301 ta Farmon, 948 ta qaror, 40 ta farmoyish, 454 ta majlis va tashrif bayonlari hamda 2 ta Qonun) hujjatlaridan 17 533 ta topshiriqlar kelib tushgan.

Ushbu topshiriqlarni ijrosini o‘z vaqtida sifatli ta’minlash maqsadida har bitta hujjat bo‘yicha nazorat rejalari ishlab chiqilib, tegishli boshqarma, tashkilotlarga hamda shahar, tuman hokimliklariga ijro uchun yuborilgan.

Bugungi kunda ushbu topshiriqlarning 14 681 tasi bajarilgan, 2 706 ta topshiriqlarni belgilangan muddatlarda ijrosini ta’minlash choralari ko‘rilmoqda.

Joriy yilning fevral oyida O‘zbekiston Respublikasi Prezidentining hujjatlaridagi topshiriqlarida viloyat hokimligi mas’ul bo‘lgan 104 ta topshiriqlar ijrosini ta’minlash belgilangan boʻlib, 103 ta topshiriqlar ijrosi toʻliq ta’minlandi.

Qolgan 1 ta topshiriq ijro muddatlari yakunlangan bo‘lib, ushbu topshiriqlarni ijrosini 5-mart kuniga qadar qoʻliq ta’minlash choralari koʻriladi.

Shuningdek Oʻzbekiston Respublikasi Prezidenti Administratsiya Rahbari rezolyusiyalaridagi 13 ta topshiriqlari ijrosi toʻliq ta’minlandi.

Ta’kidlash lozimki, viloyat hokimligida qonunchilik hujjatlari va topshiriqlarning ijrosini “kunbay” tahlil qilib borish tizimi yo‘lga qo‘yilgan.

Haftaning har seshanba kuni viloyat hokimi rahbarligida, haftaning juma kunlari hokimning birinchi o‘rinbosari huzurida ijro intizomi holati tanqidiy muhokama qilib kelinmoqda.

Topshiriqlar o‘z muddatlarida bajarilishini ta’minlash maqsadida har oyning 25-sanasida kelgusi oyda ijrosi belgilangan topshiriqlar ro‘yxati shakllantirilib, mas’ul viloyat hokimining o‘rinbosarlari, guruh va bo‘lim boshliqlariga, tegishli boshqarma, tashkilotlar hamda shahar, tuman hokimliklariga yuborilmoqda.

Shundan kelib chiqib, mas’ul ijrochilar kesimida “kalendar jadval” va “yo‘l xaritalari” tasdiqlanib, shu asosida ish tashkil etilmoqda.

Tahlillar natijalari bo‘yicha, ijro intizomini ta’minlashda yo‘l qo‘yilgan tizimli kamchiliklar, ularning sabablari aniqlanib, ularni bartaraf etish choralari ko‘rilmoqda.

Viloyat hokimligida “Ijro.gov.uz” elektron tizimi orqali Oʻzbekiston Respublikasi Prezidentining hamda O‘zbekiston Respublikasi Prezidenti Administratsiyasi rahbari topshiriqlari ijrosini oʻz vaqtida ta’minlamagan hamda mas’uliyatsizlik oqibatida topshiriq ijrosini kechiktirilishiga yoʻl qoʻygan rahbar va xodimlarga nisbatan oʻrnatilgan tartibda intizomiy jazo choralari qoʻllanilib kelinmoqda.